İngiltərə çempionatında avqust ayının ən yaxşı məşqçisi adına namizədlərin siyahısı açıqlanıb

06.09.2019 [18:32]
Çap et
A⁺ A^-

Bakı, 6 sentyabr, AZƏRTAC

İngiltərə çempionatında avqust ayının ən yaxşı məşqçisi adına namizədlərin siyahısı açıqlanıb.

AZƏRTAC xəbər verir ki, namizədlər arasında Xosep Qvardiola (“Mançester Siti”), Yurgen Klopp (“Liverpul”), Brendan Rogers (“Lester Siti”) və Roy Hodqson (“Kristal Palas”) yer alıblar.

Dörd turdan sonra “Liverpul” 12 xalla Premyer Liqanın turnir cədvəlinə başçılıq edir. İkinci yerdə “Mançester Siti” (10 xal) qərarlaşıb. “Lester Siti” (8) və “Kristal Palas” (7) müvafiq olaraq üçüncü və dördüncü yerdədirlər.

Növbəti turda “Liverpul” öz meydanında “Nyukasl Yunayted” ilə qarşılaşacaq. “Kristal Palas”, “Mançester Siti” və “Lester Siti” isə növbəti oyunlarını səfərdə keçirəcəklər. “Kristal Palas” “Tottenhem”lə, “Mançester Siti” “Norviç Siti” ilə, “Lester Siti” isə “Mançester Yunayted”lə üz-üzə gələcək.

Qeyd edək ki, matçlar sentyabrın 14-də baş tutacaq.