İnklüziv ali təhsil məsələlərinə dair beynəlxalq vebinar təşkil olunacaq
Bakı, 18 may, AZƏRTAC
Azərbaycan Dövlət İqtisad Universitetinin (UNEC) 90 illik yubileyi və UNEC İnklüziv Təhsil Mərkəzinin 5 illiyi münasibətilə mayın 20-də “İnklüziv ali təhsildə 3N: nəyi bilməliyik, nə etməliyik və nə edə bilərik?” mövzusunda beynəlxalq vebinar keçiriləcək.
UNEC-dən AZƏRTAC-a bildirilib ki, vebinarda Makedoniya Universitetinin Təhsil və sosial siyasət departamentinin rəhbəri, dosent Lefkothea Kartasidou, Türkiyənin Qlobal Əlillər Fondunun təsisçisi və prezidenti Necdet Öztürk və başqaları məruzə ilə çıxış edəcəklər.
Vebinarda Rusiya və Türkiyə universitetləri ilə yanaşı, Lənkəran, Gəncə, Mingəçevir Dövlət universitetləri, Xəzər Universitetinin, dövlət qurumlarının və qeyri-hökumət təşkilatlarının nümayəndələri iştirak edəcəklər.
Bölmənin digər xəbərləri
