İordaniyanın “Əl-Rəy” qəzetində Xocalı faciəsi ilə bağlı məqalə dərc olunmuşdur
Bakı, 25 fevral (AZƏRTAC). İordaniyada nəşr edilən “Əl-Rəy” qəzetində Azərbaycanın İordaniyadakı səfiri Sabir Ağabəyovun Ermənistan-Azərbaycan, Dağlıq Qarabağ münaqişəsi, eləcə də Xocalı faciəsi ilə bağlı bəyanatından qısa xülasə dərc olunmuşdur.
Yazıda İordaniya rəhbərliyinin və hökumətinin Ermənistan-Azərbaycan, Dağlıq Qarabağ münaqişəsinin həllində Azərbaycanın haqlı mövqeyini ikitərəfli və beynəlxalq təşkilatlar səviyyəsində dəstəklənməsi və bunun ölkəmiz tərəfindən yüksək qiymətləndirilməsi ilə yanaşı, xalqımızın Xocalı faciəsinin 21-ci ildönümünü qeyd etdiyi bildirilir.
Məqalədə Ermənistanın Azərbaycana qarşı apardığı təcavüzkar siyasət, habelə torpaqlarımızın işğalı zamanı dinc əhaliyə qarşı törədilmiş vəhşiliklər barədə səfirin bəyanatından sitatlar gətirilmişdir.
Yazıda, həmçinin keçən ilin yanvarında İslam Əməkdaşlıq Təşkilatı Parlament İttifaqının İndoneziyada keçirilmiş yeddinci toplantısında Xocalı faciəsini bəşəriyyətə qarşı cinayət kimi tanıyan qətnamənin qəbulundan və bu qərarın əhəmiyyətindən danışılır.
Bölmənin digər xəbərləri
