İQTİSADİ İNKİŞAF NAZİRLİYİNİN MƏLUMATI
Məlumat verildiyi kimi, “Sumqayıtelektrikşəbəkə” Açıq Səhmdar Cəmiyyətinin yaradılması və idarəetməyə verilməsi haqqında” Azərbaycan Respublikası Prezidentinin 1 iyul 2000-ci il tarixli Sərəncamının icrasını təmin etmək məqsədi ilə və “Dövlət müəssisələrinin (obyektlərinin) müqavilə əsasında idarəetməyə verilməsi haqqında Əsasnamə”yə müvafiq olaraq, İqtisadi İnkişaf Nazirliyi “Sumqayıtelektrikşəbəkə” Açıq Səhmdar Cəmiyyətinin uzunmüddətli idarəetməyə verilməsi üzrə müsabiqə elan etmişdi.
“Sumqayıtelektrikşəbəkə” Açıq Səhmdar Cəmiyyətinin uzunmüddətli idarəetməyə verilməsi üzrə məsləhətçi şirkətin tövsiyələri əsasında və müsabiqə komissiyasının qərarı ilə “Barmek Azərbaycan Elektrik Şəbəkəsi” MMC “Sumqayıtelektrikşəbəkə” Açıq Səhmdar Cəmiyyətinin uzunmüddətli idarəetməyə verilməsi üzrə müsabiqənin qalibi elan edilmişdir.
Hazırda İqtisadi İnkişaf Nazirliyi və “Barmek Azərbaycan Elektrik Şəbəkəsi” MMC arasında “Sumqayıtelektrikşəbəkə” Açıq Səhmdar Cəmiyyətini idarəetmə hüququna dair müqavilənin imzalanması ilə əlaqədar danışıqlar başlanmışdır.
Bölmənin digər xəbərləri
