İQTİSADİ İNKİŞAF NAZİRLİYİNİN MƏLUMATI
Məlum olduğu kimi, “Gəncəelektrikşəbəkə” Səhmdar Cəmiyyətinin yaradılması və idarəetməyə verilməsi haqqında” və “Rayon və şəhər paylayıcı elektrik şəbəkələrinin fəaliyyətinin təkmilləşdirilməsi və idarəetməyə verilməsi haqqında” Azərbaycan Respublikası Prezidentinin sərəncamlarının icrasını təmin etmək məqsədi ilə “Dövlət müəssisələrinin (obyektlərinin) müqavilə əsasında idarəetməyə verilməsi haqqında Əsasnamə”yə müvafiq olaraq, İqtisadi İnkişaf Nazirliyi “Gəncəelektrikşəbəkə” və “Əlibayramlıelektrikşəbəkə” açıq səhmdar cəmiyyətlərinin uzunmüddətli idarəetməyə verilməsi üzrə müsabiqələr elan etmişdi.
“Gəncəelektrikşəbəkə” və “Əlibayramlıelektrikşəbəkə” acıq səhmdar cəmiyyətlərinin idarəetməyə verilməsi üzrə keçirilən müsabiqələrin hər birində iştirak etmək üçün dörd şirkət maraq ifadə edərək, ərizə və təkliflərini müsabiqə komissiyasına təqdim etmişdir.
“Gəncəelektrikşəbəkə” və “Əlibayramlıelektrikşəbəkə” açıq səhmdar cəmiyyətlərinin idarəetməyə verilməsi üzrə məsləhətçi şirkətin tövsiyələri əsasında və müsabiqə komissiyasının qərarı ilə “Bakı yüksək gərginlikli elektrik avadanlıqları” SC müsabiqələrin qalibi elan olunmuşdur.
Hazırda İqtisadi İnkişaf Nazirliyi və “Bakı yüksək gərginlikli elektrik avadanlıqları” SC arasında “Gəncəelektrikşəbəkə” və “Əlibayramlıelektrikşəbəkə” ASC-lərini idarə etmək hüququna dair müqavilələrin imzalanması ilə əlaqədar danışıqlar başlanmışdır.
Bölmənin digər xəbərləri
