İrakli Kobaxidze: Qonşu dövlətlərlə strateji layihələrin həyata keçirilməsi Cənubi Qafqazda sülhə təkan verəcək
Tbilisi, 30 dekabr, AZƏRTAC
Regional əməkdaşlıq Gürcüstan üçün çox vacibdir, bizim məqsədimiz regionda sülh və sabitliyi təşviq etməkdir.
AZƏRTAC xəbər verir ki, bu sözləri Gürcüstanın Baş naziri İrakli Kobaxidze səfirlərin konfransının yekun tədbirində çıxışı zamanı söyləyib.
Onun sözlərinə görə, Gürcüstan Azərbaycan, Ermənistan, Türkiyə ilə əlaqələri inkişaf etdirir. Gürcüstanın məqsədi regionda sülhü və sabitliyi təşviq etməkdir ki, bunun üçün ötən illərdə çox işlər görülüb və gələcəkdə də çox işlər görüləcək.
Hökumət başçısı deyib ki, Gürcüstanın bütün istiqamətlərdə beynəlxalq mövqelərinin gücləndirilməsi vacibdir.
“Orta Dəhliz regional inteqrasiyanın mühüm mexanizmidir. Qonşu dövlətlərlə strateji layihələrin həyata keçirilməsi Cənubi Qafqazda sülhün bərqərar olmasına təkan verəcək və biz şadıq ki, çox mühüm strateji layihələr artıq bizi qonşu ölkələrimizlə birləşdirir, bu da sülhü təşviq etmək üçün son dərəcə əhəmiyyətlidir. Gələcəkdə də bu istiqamətdə fəal işlər davam etdiriləcək”, - deyə Kobaxidze vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
