İranın nüvə proqramına dair Cenevrədə aparılan danışıqlar davam edir
Tehran, 21 noyabr (AZƏRTAC). İranın nüvə proqramı ilə bağlı Tehran rəsmiləri ilə “5+1” qrupu arasında keçirilən danışıqlar noyabrın 24-dək davam etdirilə bilər. Bu barədə rəsmi məlumat yayan İran tərəfinin bildirdiyinə görə, hazırda “5+1” qrupunda təmsil olan dövlət rəsmiləri ilə ikitərəfli və çoxtərəfli görüşlər keçirilməkdədir. Danışıqların nəticələri barədə məlumat verilmir.
Xatırladaq ki, danışıqlarda İran tərəfini xarici işlər naziri Məhəmməd Cavad Zərifin rəhbərlik etdiyi nümayəndə heyəti təmsil edir.
Sabir Şahtaxtı
AZƏRTAC-ın xüsusi müxbiri
Tehran
Bölmənin digər xəbərləri
