İRANIN YENİ NEFTDAŞIYAN TANKERİ
İranın tanker donanması 300 min tona qədər neft daşıya bilən yeni gəmi almışdır. Uzunluğu 333,3 metr, eni isə 58 metr olan bu nəhəng tanker İranın sifarişi ilə Cənubi Koreyada hazırlanmışdır. Yaxın illərdə Cənubi Koreya İran üçün hər birinin qiyməti 78 milyon dollar olan daha dörd belə tanker hazırlayacaqdır.
İTAR-TASS-ın verdiyi xəbərə görə, İranın ən iri tankeri artıq İsveçin neft şirkəti tərəfindən icarəyə götürülmüşdür. İran neftdaşıyan gəmilər şirkətinin meneceri Camal Məhyayi İRNA agentliyinə bildirmişdir ki, 2004-cü ilin sonunadək şirkətin gəmilərinin sayı 33-ə çatacaq və onlar birdəfəyə 6,5 milyon tonadək neft daşıya biləcəkdir.
Bölmənin digər xəbərləri
