İRƏVAN AZƏRBAYCAN DÖVLƏT DRAM TEATRI QAX TAMAŞAÇILARI QARŞISINDA ÇIXIŞ ETMİŞDİR
AZƏRTAC xəbər verir ki, İrəvan Azərbaycan Dövlət Dram Teatrının kollektivi növbəti dəfə Qax rayonunda qastrol səfərində olmuşdur.
Yaradıcı kollektiv bu səfərdə Qax tamaşaçılarına Ağarəhim Rəhimovun “Əsgər anası” iki hissəli faciə-dramını təqdim etmişdir. Qarabağ uğrunda gedən müharibə mövzusunda yazılan bu əsərin əsas süjet xəttini torpaqlarımızın azadlığı uğrunda döyüşlərdə bir övladı itkin düşmüş ananın başına gələn müsibətlər təşkil edir.
Tamaşanın quruluşçu rejissoru Bəhram Osmanov, rəssamı İlqar Əkbərov, musiqi tərtibatçısı isə Səbuhidir.
Tamaşada əsas rolları əməkdar artistlər Vidadi Əliyev, Süleyman Nəcəfov, artistlərdən Tünzalə Əliyeva, Elnarə Heydərova, Elnur Hüseynov, Vaqif Kərimov və başqaları ifa etmişlər.
Bölmənin digər xəbərləri
