İşğaldan azad olunan ərazilərdəki bütün obyektlər və infrastruktur ekoloji ekspertizadan keçirilməlidir
Bakı, 29 dekabr, AZƏRTAC
İşğaldan azad olunan ərazilərdəki bütün obyektlər və infrastruktur ekoloji ekspertizadan keçirilməlidir. Bu, qanunvericiliyimizdə də nəzərdə tutulub.
AZƏRTAC xəbər verir ki, bunu Ekologiya və Təbii Sərvətlər Nazirliyinin “Facebook” səhifəsində yayımlanan “Ekspert saatı”nda nazirliyin Dövlət Ekspertiza Agentliyinin İdarə Heyətinin sədri Mirsalam Qənbərov deyib.
Onun sözlərinə görə, nazirliyin qrupları bilavasitə ekoloji amillər, müəyyən sferalar üzərində tədqiqat, təhlil işləri aparır və monitorinqlər keçirirlər: “Əvvəllər həmin ərazilərdə xeyli ekoloji qoruqlar, meşələr, çaylar var idi. Hazırda xəritəçəkmə müəssisəsi, bütün qurumlar, o cümlədən Ekspertiza Agentliyinin əməkdaşları tərəfindən müəyyən xəritələnmə işləri aparılır. Bu zaman vacib parametrlər nəzərə alınır ki, sonrakı ekoloji qiymətləndirmə rahat və müqayisəli olsun. Bu sahədə bir proqramımız var və işlərimiz davam edir”.
M.Qənbərov nazirlikdə işğaldan azad olunmuş ərazilər üzrə yeni qurumun təsis olunduğunu da diqqətə çatdırıb.
Bölmənin digər xəbərləri
