İşgüzar adamlar üçün Britaniya ulduz falı (19-25 mart)
QOÇLAR yaradıcılıq imkanlarını yeni ahəng üzərində kökləyə bilsələr, bu, yaxın gələcəkdə onlara xeyli mənfəət gətirəcəkdir. Belə olan halda nə üçün də özünü yaxşı nə iləsə əzizləməyəsən? Yeni iş açmaq istəyirsinizsə, yığdıqlarınızın bir hissəsini, yaxşı olar, gələcəyə saxlayasınız. Qalan məsələlərdə külək hansı səmtdə əsirsə, elə də hərəkət edin. Arxayın olun, bu günlərdə külək də sizin qullunuzda olacaq və yelkənlərinizi əməlli-başlı hərəkətə gətirəcəkdir.
BUĞALAR müəyyən müddət işgüzar tərəfdaşlarını unutmalıdırlar. Romantik münasibətlər, ilk baxışdan məhəbbət başınızı gicəlləndirəcəkdir. Sevgiliniz varsa, şam işığında nahar təşkil etməyin, yaxud romantik bir səyahətə çıxmağın tam zamanıdır.
ƏKİZLƏR özündən müştəbeh insanlara və bədxahlarının istehzalı iradlarına məhəl qoymayıb həyatdan zövq almalıdırlar. Bu həftə iş sizi gözləyə bilər. Vaxtınızın çoxunu yaxın dostlarınızla keçirməlisiniz. Bəzən dincəlməyin, sadəcə divanda uzanıb televizora baxmağın özü böyük xoşbəxtlikdir. Yüngül bir eşq macərası yaşamaq ehtimalı çox yüksəkdir.
XƏRÇƏNGLƏR yeni bir işə başlayanda öz zövqlərinə etibar etməli, lakin həmkarlarının rəyini qulaqardına vurmamalıdırlar. Əgər ağlınıza gözəl bir ideya gəlibsə, dostlarınız isə ideyanızı tam cəfəngiyat adlandırırsa, yenə də yalnız öz intuisiyanıza inanmalısınız. Yaxşı olar, internet-texnologiyalarla bağlı biliklərinizi artırasınız.
ŞİRLƏRƏ ulduzlar gözəl günlər və işdə kiçik fasilə vəd edir. Lakin tənbəllik etmək də olmaz. Daşınmaz əmlakla bağlı razılaşma yenə də gündəmə gələcəkdir. Onu əldən verməyin, biznes tərəfdaşlarınız bir daha ən çətin işlərin öhdəsindən asanlıqla gəlmək bacarığınızın şahidi olacaqlar.
QIZLARA London astroloqları təmir işləri ilə məşğul olmağı məsləhət görürlər. Lakin əgər maliyyə durumunuz imkan vermirsə, sadəcə mebellərin yerini dəyişdirməklə kifayətlənə bilərsiniz. Bu günlər dəyişikliklər yalnız xeyrinizə olacaqdır. Tez-tez havaya çıxmağa və yaxınlarınızla maraqlanmağa çalışın. Son vaxtlar onları tamamilə unutmusunuz.
TƏRƏZİLƏR unutmamalıdırlar ki, zövqlər müxtəlifdir və hər kəsin öz idealı var. Dostlarınız təbiətin qoynuna çıxmağı, yaxud əyləncə gecəsinə getməyi təklif etsələr, nəbadə imtina edəsiniz. Yalnız məsələ ciddi olduqda öz prinsiplərinizə sadiq qalmalısınız. Bir kənara qoyduğunuz işləri saf-çürük edib, bu qarmaqarışıqlıqdan baş çıxarmalısınız. Bəlkə də əvvəllər diqqətinizdən yayınan maraqlı bir ideyanı məhz bu qarmaqarışıqlığın içindən tapacaqsınız.
ƏQRƏBLƏR gizli planlarını həyata keçirmək üçün inadkar olmalıdırlar. Qarşıya məqsəd çoxdan qoyulmuşdur, indi isə onu həyata keçirmək vaxtı gəlib çatmışdır. Səma cisimləri uğur vəd edir. Bundan imtina etmək ağılsızlıqdır. İstedadınızı gizlətməyin. Ətrafdakılara sübut etməyə çalışın ki, qələbəyə məhz elə siz layiqsiniz. Onların dəstəyi sizi daha da ruhlandıracaq və nəticəni sürətləndirəcəkdir.
OXATANLAR gördükləri işə görə yaxşı mükafat alacaqlar. Bunun üçün vicdan əzabı çəkməyin. Bu həftə çalışqanlığınız işgüzar tərəfdaşlarınızda böyük təəssürat doğuracaq, biznesiniz üçün yeni imkanlar açacaqdır. Məsləkdaşlarınızla birlikdə siz daha böyük uğurlara imza ata bilərsiniz. Xoşagəlməz sürprizlərin əhvalınızı korlamasına yol verməmək üçün sağlamlıq durumunuza diqqət yetirməlisiniz.
OĞLAQLARA Britaniya astroloqları tez-tez cəmiyyət içinə çıxmağı, məclislərə qatılmağı məsləhət görürlər. İlk baxışda diqqətəlayiq olmayan dəvət arxasında yeni-yeni layihələrə yol açmaq potensialı olan maraqlı və potensial tanışlıqlar durur. Sadəcə görüb-eşitdiklərinizə qarşı diqqətli olmağınız belə sizin üçün perspektivlər deməkdir. Üstəlik, kiçik istirahət və maraqlı ünsiyyət sizə yalnız fayda gətirər.
DOLÇALAR indiyədək sırf fərdi cəhət kimi qəbul etdiklərində ümumi elementlər aşkar edəcəklər. Təşəbbüslərinizin böyük ruh yüksəkliyi ilə qarşılanması sizi təəccübləndirəcəkdir. Etimadınızı qazanmaq istəyən insanlara qarşı çox da səmimi olmağa çalışmayın. İlk növbədə əmin olmalısınız ki, qarşınızda hiyləgər taktika seçmiş rəqib deyildir. Ruhən həqiqətən sizə yaxın olan dostların qəlbini səbəbsiz qırmamaq üçün onları çox ehtiyatla sınaqdan keçirməlisiniz.
Bir vaxtlar yaradıcı imkanlarını gerçəkləşdirmək xəyalı ilə yaşayan BALIQLAR indi onları cəsarətlə həyata keçirə bilərlər. Ola bilsin, fırça götürməli və ya qələmə sarılmalı olacaqsınız. Bu ideyanın sizi bir balaca xərcə salacağı qoy sizi narahat etməsin. Sonuncu biznes layihənizdən götürəcəyiniz sanballı gəlir artıq yoldadır.
Bölmənin digər xəbərləri
