İSLAM ALƏMİ LİGASININ BAŞ KATİBİ AZƏRBAYCANA GƏLƏCƏK
Dini Qurumlarla İş üzrə Dövlət Komitəsinin dəvəti ilə İslam Aləmi Liqasının baş katibi Abdulla bin Əbdülmöhsün Ət-Türki avqustun 31-dən sentyabrın 5-dək Azərbaycanda olacaqdır. Dövlət Komitəsindən AZƏRTAC-ın müxbirinə bildirmişlər ki, səfər zamanı xarici işlər, iqtisadi nkişaf, gənclər, idman və turizm nazirliklərində, Dövlətqaçqınkomda, Dini Qurumlarla İş üzrə Dövlət Komitəsində, Qafqaz Müsəlmanları İdarəsində görüşlər keçiriləcəkdir.
İslam Aləmi Liqasının baş katibi qaçqınların yaşadıqları çadır şəhərciklərinə gedəcək, “Müasir dövrdə islam” mövzusunda mühazirə oxuyacaqdır. Liqanın tabeliyində olan müxtəlif xeyriyyə strukturlarının Azərbaycanda humanitar və dini sahələrdə fəaliyyətinə dövlət nəzarəti qoyulması və təminat verilməsi, habelə respublikamızla İslam Aləmi Liqasının üzvü olan məmləkətlər arasında siyasi, iqtisadi və mədəni əlaqələrin genişləndirilməsi və möhkəmləndirilməsi məsələləri danışıqlarda diqqət mərkəzində olacaqdır.
Bölmənin digər xəbərləri
