İSLAM ÖLKƏLƏRİ TURİZM NAZİRLƏRİNİN XANIMLARI İLƏ GÖRÜŞ KEÇİRİLMİŞDİR
Komitənin sədri Hicran Hüseynova konfransın əhəmiyyətindən danışmış, İslam Konfransı Təşkilatı ölkələri ailə, qadın və uşaq problemləri ilə məşğul olan hökumət və qeyri-hökumət təşkilatları ilə əməkdaşlıq əlaqələrinin inkişaf etdiriməsinin vacibliyini vurğulamışdır. O, müsəlman ölkələrinin ictimai həyatında, qərar qəbuletmədə fəal iştirak edən, sahibkarlıqla məşğul olan qadınlar arasında əlaqələrin qurulması üçün geniş imkanlar yaradılacağını söyləmişdir. H.Hüseynova komitənin fəaliyyəti barədə ətraflı məlumat vermiş, aidiyyəti sahələr üzrə beynəlxalq müqavilələrin həyata keçirildiyini diqqətə çarpdırmışdır.
Görüşdə mədəniyyət və turizm nazirinin müavini Sevda Məmmədəliyeva, Türkiyənin turizm nazirinin xanımı Şadiye Koç, professor Rəna Mirzəzadə və digərləri çıxış edərək ailə, qadın və uşaq problemləri ilə bağlı görülən işlərdən danışmış, təkliflərini söyləmiş, İKT çərçivəsində əməkdaşlığın əhəmiyyətini qeyd etmişlər.
Bölmənin digər xəbərləri
