İsmayıllıda meşə əkini aparılır
İsmayıllı, 10 aprel (AZƏRTAC). İsmayıllı rayonu ərazisinin 39 min 665 hektarı meşəlikdir. Rayonda son vaxtlar meşələrin mühafizəsi və bərpası istiqamətdə ciddi tədbirlər həyata keçirilir.
AZƏRTAC xəbər verir ki, hazırda ərazidə bərpa məqsədilə yeni tinglər əkilir. Artıq 25 hektarda yeni tinglər əkilmişdir. Bərpaya ehtiyac duyulan yerlərə, xüsusilə boş talalara İsmayıllı meşələri üçün xarakterik olan ağcaqayın, palıd, cökə və digər ağaclar əkilir.
Meşə əkinində istifadə olunan ağacların tingləri İsmayıllı Meşə Mühafizəsi və Bərpası Müəssisəsi tərəfindən yaradılmış şitillik təsərrüfatında yetişdirilir.
Bölmənin digər xəbərləri
