İspaniya nümayəndəsi dünyanın ən nüfuzlu qadınlarının ilk üçlüyünə daxildir

09.10.2021 [16:37]
Çap et
A⁺ A^-

Madrid, 9 oktyabr, AZƏRTAC

Amerikada dərc edilən “Fortune” biznes jurnalı dünyanın ən nüfuzlu qadınlarının illik reytinqini təzələyib.

AZƏRTAC xəbər verir ki, İspaniyadakı Santander bank qrupunun rəhbəri Ana Botin dalbadal iki ildir bu siyahıda üçüncü yeri tutur. O, atası Emilio Botinin vəfatından sonra bu maliyyə qrupuna rəhbərlik edir. Xatırladaq ki, 2019-cu ildə Ana Botin bu reytinqdə birinci olub.

Bu il siyahıda birinci yeri Britaniyanın əczaçılıq nəhəngi sayılan GlaxoSmithKline şirkətinin icraçı direktoru Emma Uolmsli, ikinci yeri isə Ping An Group sığorta qrupunun icraçı direktoru çinli Cesika Tan tutur.

Nigar Cəfərli

AZƏRTAC-ın xüsusi müxbiri

Madrid