İSTEDADLI SƏNƏTKARIN XATİRƏ GÜNÜ
Aprelin 29-da A.M.Şərifzadə adına Aktyorlar evində əməkdar artist, istedadlı səhnə ustası, rejissor Həsən Əblucun 60 illiyi münasibətilə xatirə günü keçirilmişdir.
Teatr Xadimləri İttifaqı idarə heyətinin sədri Azərpaşa Nemət tədbiri giriş sözü ilə açaraq, Həsən Əblucun çoxcəhətli yaradıcılığından, Azərbaycan teatr sənətinin inkişafında xidmətlərindən danışdı.
Xalq artistləri Tariyel Qasımov, Əminə Yusifqızı, Ramiz Məlikov, Hüseynağa Atakişiyev, Rafiq Əzimov, Zemfira Nərimanova, əməkdar artist Laləzar Mustafayeva, respublika televiziyasının ədəbi-dram verilişləri redaksiyasının baş redaktoru Mailə Muradxanlı və başqaları çıxış edərək, H.Əblucun şəxsiyyətindən, insani keyfiyyətlərindən, özünəməxsus ifaçılıq tərzindən, rejissorluq fəaliyyətindən söhbət açaraq, onunla bağlı xatirələrini söylədilər.
Sonra aktyorun çəkildiyi videokadrlar nümayiş etdirildi.
Sənətkarın qardaşı Ənvər Əbluc tədbir iştirakçılarına minnətdarlığını bildirdi.
Bölmənin digər xəbərləri
