İSTİQRAZ VƏRƏQƏLƏRİNİN YERLƏŞDİRİLMƏSİ ÜZRƏ NÖVBƏTİ HƏRRAC KEÇİRİLƏCƏK

28.06.2002 [18:00]
Çap et
A⁺ A^-

Bakı Fond Birjası və respublika Malliyyə Nazirliyi arasında bağlanmış müqaviləyə uyğun olaraq, iyulun 1-də saat 11.00-dan 12.00-dək Bakı Fond Birjasında dövlət qısamüddətli istiqraz vərəqələrinin (DQİV) yerləşdirilməsi üzrə hərrac keçiriləcəkdir. DQİV buraxılışının dövlət qeydiyyat nömrəsi 10201404S, ümumi həcmi 20 milyard manat, bir istiqrazın nominal dəyəri 1 milyon manatdır. İstiqrazların tədavül müddəti 92 gündür. DQİV buraxılışının ödəmə tarixi 1 oktyabr 2002-ci ildir. Hərrac zamanı, DQİV buraxılışının 20 faizdən artıq olmamaq şərtilə, qeyri-rəqabətli sifarişlərin qəbul edilməsinə icazə verilir.

Bakı Fond Birjasının üzvləri Azərbaycan Respublikasının Milli Bankında olan müxbir hesablarındakı vəsaitlərinin hesabına BFB-də keçirilən əməliyyatlarda iştirak etmək üçün zəruri olan pul vəsaitlərini birjanın klirinq hesabına ticarət günü saat 10.30-dan gec olmayaraq köçürməlidirlər.

Birjanın rekvizitləri:

Milli Bankın Hesablaşmalar Departamenti

Kod 501004

Klirinq hesabı 0137070003031

VÖİN 170033365—0--AG