İTALİYA GİZLİ İQTİSADİYYATININ İLLİK MALİYYƏ DÖVRİYYƏSİ 100 MİLYARD AVROYA ÇATIR

08.11.2006 [14:43]
Çap et
A⁺ A^-

AZƏRTAC-ın İTAR-TASS-dan aldığı məlumata görə, İtaliya gizli iqtisadiyyatının illik maliyyə dövriyyəsi astronomik məbləğə - 100 milyard avroya çatır. Bu məlumat Sənətkarlıq və Sənaye İstehsalı İttifaqının (SSİİ) xüsusi məruzəsində açıqlanmışdır. Sənəddə deyilir ki, xəzinəyə təxminən 48 milyard avro vergi daxil olmur.

Hesablanmışdır ki, İtaliyanın 3,25 milyon sakini “zərflərdə” rüşvət alır və həmin məbləğ vergi idarələrindən yan keçir. Rüşvətxorların əksəriyyəti ən güclü mafioz qurumların yerləşdiyi cənub rayonlarındadır.

Neapol şəhərinin yerləşdiyi Kampaniya vilayəti hər il xəzinəyə 12,9 milyard avro borclu qalır. Onun ardınca Siciliya gəlir. Bu bölgənin borcu 12,24 milyard avrodur, 10,33 milyard avro kəsiri olan paytaxtın Latsio bölgəsi üçüncü yerdədir.

SSİİ-nin birinci katibi Cüzeppe Bortolussi demişdir ki, hökumət gizli iqtisadiyyatla mübarizə məsələlərinə lazımınca diqqət yetirmir, halbuki bu, ölkənin büdcəsinə nəzərəçarpacaq dərəcədə zərbə vurur.

İTALİYA GİZLİ İQTİSADİYYATININ İLLİK MALİYYƏ DÖVRİYYƏSİ 100 MİLYARD AVROYA ÇATIR

MÜƏLLİFLƏ ƏLAQƏ

Bölmənin digər xəbərləri