İtaliya Liviyaya yardım üçün mülki müdafiə qüvvələrini səfərbər edəcək

12.09.2023 [18:38]
Çap et
A⁺ A^-

Roma, 12 sentyabr, AZƏRTAC

İtaliya şiddətli daşqınlara məruz qalmış Liviyaya yardım üçün mülki müdafiə qüvvələrini səfərbər edəcək.

AZƏRTAC xəbər verir ki, bu barədə İtaliya Nazirlər Şurası məlumat yayıb.

İtaliyanın Baş naziri Ciorcia Meloni Liviyanın şimal-şərqini vuran “Daniel” siklonu nəticəsində çoxsaylı insan tələfatı və dağıntılardan kədərləndiyini bildirib, təbii fəlakət qurbanlarının ailələri və yaxınlarına başsağlığı verib, həmrəyliyini ifadə edib. Onun sözlərinə görə, İtaliya fövqəladə vəziyyətin təsirlərinin mümkün olan ən yaxşı şəkildə aradan qaldırılmasında Liviya xalqına yardım etmək üçün mülki müdafiə qüvvələrini aktivləşdirib.

Qeyd edək ki, Liviyada daşqınlar nəticəsində həlak olanların sayı 3 min nəfəri ötüb, minlərlə insan isə itkin düşüb.

Nihad Budaqov

AZƏRTAC-ın xüsusi müxbiri

Roma