İTALİYA PREZİDENTİ BERLUSKONİNİ SEÇKİLƏRDƏ QALİB GƏLMƏSİ MÜNASİBƏTİLƏ TƏBRİK ETMİŞDİR
AZƏRTAC xəbər verir ki, aprelin 15-də İtaliya Prezidenti Corco Napolitano Silvio Berluskonini aprelin 13-14-də keçirilmiş parlament seçkilərində onun başçılıq etdiyi sağ mərkəzçi koalisiyanın qalib gəlməsi münasibətilə təbrik etmişdir.
İtaliya DİN-in rəsmi məlumatına görə, Berluskoninin başçılıq etdiyi koalisiya Deputatlar palatasında 617 yerdən 340 yer (46,8 faiz) almışdır, halbuki onun əsas rəqibi - sol sentrist koalisiya cəmi 239 yer (37,5 faiz) almışdır.
Milli parlamentin yuxarı palatasına - Respublika senatı - seçkilərdə Berluskoninin koalisiyası sol sentristlərin 130 yerinə (38,01 faiz) qarşı 171 yer (47,32 faiz) almışdır.
Seçkilərin rəsmi nəticələri açıqlandıqdan azacıq sonra Napolitano yeni hökumətin təşkil olunmasını qalib gəlmiş koalisiyanın liderinə tapşıracaqdır. Beləliklə, Berluskoni İtaliya Nazirlər Kabinetinə üçüncü dəfə başçılıq edəcəkdir.
Bölmənin digər xəbərləri
