İtaliya yay aylarında aviareysləri yalnız 3 ölkə üçün karantinsiz tətbiq edəcək
Roma, 12 may, AZƏRTAC
İtaliya yay aylarında aviareysləri bərpa etməyə hazırlaşır, lakin yalnız 3 ölkədən gələn turistlərə karantin tətbiq olunmayacaq.
AZƏRTAC xəbər verir ki, İspaniya, Fransa və Almaniya ilə olan uçuşlarda qarşılıqlı qaydada karantin tətbiq olunmayacaq. İtaliyanın İnfrastruktur və Nəqliyyat naziri Paola de Mikeli mayın 12-də keçirdiyi mətbuat konfransında deyib ki, hazırda rəsmi Berlin, Paris və Madridlə bu istiqamətdə danışıqlar aparılır. Uçuşların mümkün olan ən qısa zamanda bərpası danışıqlar mövzusudur.
O qeyd edib ki, ölkəsi turizmi bərpa etmək istəyir, lakin turizmlə karantin anlayışları bir-birinə ziddir. Əgər turizm bərpa edilsə, karantin olmayacaq və buna görə də digər ölkələrin də ciddi addımlar atması lazımdır.
İtaliya, İspaniya və Fransa pandemiyadan ən çox əziyyət çəkmiş ölkələrdir. Bu ölkələrdə ümumilikdə 600 mindən çox yoluxma faktı qeydə alınıb.
Aygün Əliyeva
AZƏRTAC-ın xüsusi müxbiri
Roma
Bölmənin digər xəbərləri
