İYUNDA “AZƏRİ-ÇIRAQ-GÜNƏŞLİ” YATAQLARINDAN 3 MİLYON TONDAN ÇOX NEFT HASİL OLUNMUŞDUR
AZƏRTAC xəbər verir ki, Xəzərin Azərbaycan sektorunda “Azəri-Çıraq-Günəşli” (AÇG) yataqlarının işlənilməsi ilə məşğul olan Azərbaycan Beynəlxalq Əməliyyat Şirkəti (ABƏŞ) iyunda bu yataqlardan 3 milyon 400 min 392 ton neft hasil etmişdir.
Konsorsiumdan bildirmişlər ki, cari ilin 6 ayında həmin göstərici 18 milyon 983 min 46 ton olmuşdur.
İxrac marşrutları üzrə dəmir yolu ilə iyunda 124 min 279 ton, yarım ildə 574 min 107 ton, Bakı-Tbilisi-Ceyhan boru kəməri ilə isə müvafiq olaraq 3 milyon 19 min 870 ton və 17 milyon 510 min 746 ton neft ixrac edilmişdir. Ceyhan limanından Azərbaycan nefti iyunda 26, yanvar-iyunda isə ümumilikdə 179 müxtəlif tutumlu tankerlərlə dünya bazarlarına yola salınmışdır.
Bölmənin digər xəbərləri
