JAK ŞİRAK ŞİRİN EBADİYƏ FƏXRİ LEGİON ORDENİTƏQDİM ETMİŞDİR

07.11.2006 [12:27]
Çap et
A⁺ A^-

AZƏRTAC-ın xüsusi müxbiri xəbər verir ki, Fransa Prezidenti Jak Şirak noyabrın 6-da Yelisey sarayında insan hüquqlarının müdafiəsinə görə 2003-cü ildə Nobel mükafatına layiq görülmüş iranlı vəkil qadın Şirin Ebadiyə ölkənin ən yüksək mükafatı olan “Fəxri Legion” ordenini təqdim etmişdir.

Təqdimat mərasimində Jak Şirak bildirmişdir ki, Fransa mübariz qadının azadlıq və hüquq müdafiəsi sahəsindəki cəsarətini yüksək qiymətləndirərək onu ölkənin ali mükafatına layiq görmüşdür. Prezident daha sonra qeyd etmişdir ki, insan hüquqları və demokratiya ilə İslam dəyərlərini uyğunlaşdırmağı bacarmış iranlı qadının xidmətləri, cəsarət və mübarizəsi daha yüksək qiymətlərə layiqdir.

Xatırladaq ki, 1979-cu il İslam inqilabından sonra İranda istefa verməyə məcbur olmuş ilk hakim qadın Şirin Ebadi bu gün vəkil və 2002-ci ildə təsis etdiyi insan hüquqları müdafiəsi mərkəzinin rəhbəridir. O, Nobel mükafatına layiq görülmüş ilk müsəlman qadındır.

JAK ŞİRAK ŞİRİN EBADİYƏ FƏXRİ LEGİON ORDENİTƏQDİM ETMİŞDİR

MÜƏLLİFLƏ ƏLAQƏ

Bölmənin digər xəbərləri