SİYASƏT
Jan-Mişel Brun: Azərbaycan qadına azadlığı hələ əsrlər öncə verib
Bakı, 21 noyabr, AZƏRTAC
Azərbaycan qadına azadlığı hələ əsrlər bundan əvvəl verib. Fransaya isə bu, 5 əsr sonra gəlib.
Biliklərin dekolonizasiyası qadınların dövlətin, ictimaiyyətin həyatına öz müsbət təsirini göstərməkdədir. İnanıram ki, Bakı konfransı bu istiqamətdə öz töhfəsini verəcək.
AZƏRTAC xəbər verir ki, bu fikirləri “Lagazetteaz.fr” qəzetinin baş icraçı direktoru Jan-Mişel Brun Qoşulmama Hərəkatının ailə, qadın komitələrinin “Qadın hüquqlarının inkişafı və qadınların səlahiyyətləndirilməsi” mövzusunda Bakıda keçirilən konfrans çərçivəsində təşkil edilən “Dekolonizasiya: qadınların gücləndirilməsi və inkişafı” üzrə panel müzakirələrdə səsləndirib.
O bildirib ki, Fransa bütün dünyanı gəzərək öz bayrağını asmağa çalışıb və çətin şəraitdə yaşayan xalqları öz əsarətində saxlayıb. Bu kolonizasiya siyasəti əsrlərdir ki, davam edir. Fransa 1958-cı ildə Əlcəzairdə qadınları bir araya yığıb çadralarını atmalarını dedi. Amma bu, azadlıq adı altında bir hiylə idi.
“Azərbaycan gender bərabərliyi mövzusunda örnəkdir. Bu ölkədə qadınlar kişilərlə birgə çiyin-çiyinə çalışır. Amma Fransa da qadınlar cəmiyyətdən uzaqlaşdırılıb”, - deyə o əlavə edib.