Juninyonun həyat yoldaşı Azərbaycana və “Qarabağ” klubuna təşəkkür edib
Bakı, 14 yanvar, AZƏRTAC
“Qarabağ”dan ayrılaraq Braziliyanın “Flamenqo” komandasına keçən Juninyonun həyat yoldaşı Vivian Azərbaycana və Ağdam klubuna təşəkkür edib.
AZƏRTAC xəbər verir ki, o, bu barədə sosial şəbəkə hesabında paylaşım edib.
“Bizi qarşıladığınız və günlərimizi xoşbəxt etdiyiniz üçün təşəkkür edirik. Gözəl hekayə idi. Sonsuz minnətdarıq. “Qarabağ”, inanılmazsan. Dünyadakı bütün uğurları bu kluba arzulayıram”, - deyə bildirib.
Qeyd edək ki, “Qarabağ” Juninyonun keçidindən 5 milyon avro qazanc əldə edəcək. O, Ağdam təmsilçisinin heyətində 80 oyunda 42 qol və 4 məhsuldar ötürmə ilə yadda qalıb.
Bölmənin digər xəbərləri
