“Kapital Bank”ın xalis mənfəətinin ilin sonunda 180-190 milyon manat olacağı gözlənilir
Bakı, 19 dekabr, AZƏRTAC
Bu ilin on ayında “Kapital Bank”ın kredit portfeli ötən ilin müvafiq dövrü ilə müqayisədə 21 faiz artaraq 5,4 milyard manat təşkil edib.
AZƏRTAC xəbər verir ki, bu barədə “Kapital Bank”ın İdarə Heyətinin üzvü, baş risk inzibatçısı Cavid Mirzəyev bu ilin on bir ayı və gələn ilin planlarına dair keçirilən mətbuat konfransında çıxışı zamanı deyib.
O bildirib ki, ilin sonuna kredit portfelinin 5,6 milyard manat civarında olacağı planlaşdırılır: “Eyni zamanda, hesabat dövründə xalis mənfəət 169 milyon 606 manat təşkil edib. Bankın öhdəlikləri on ayda 7,2 milyard manat təşkil edib ki, bunun da 32 faizi müddətli depozitlərdən ibarət olub. 2024-cü ilin sonunda “Kapital Bank”ın xalis mənfəətinin 180-190 milyon manat civarında olacağı gözlənilir”.
Bölmənin digər xəbərləri
