KARLOVI VARİ FİLM FESTİVALININ QALİBİ MÜƏYYƏN EDİLMİŞDİR
AZƏRTAC xəbər verir ki, Şərqi Avropanın kino aləmində böyük nüfuza malik 43-cü Beynəlxalq Karlovı Vari kino festivalı yekunlaşmışdır.
Festivalda 60 ölkədən 235 ekran əsəri nümayiş olunmuşdur. Onlardan 56-sı müsabiqəyə ilk dəfə təqdim edilmişdir. Münsiflər heyəti bədii göstəricilərinə və rejissor işinə görə həmin filmlərdən cəmi 16-sını seçmişdir. Sənədli filmlər sırasında 10 tammetrajlı və 6 qısametrajlı film nümayiş olunmuşdur. “Dəhşətli dərəcədə xoşbəxt ” filmi “Kristal Qlobus” mükafatına layiq görülmüşdür. Ən yaxşı kino prodüser mükafatını da “Dəhşətli dərəcədə xoşbəxt”in rejissoru Henrik Ruqen Qenz qazanmışdır.
Kriminal trillerdə kiçik şəhərə sürgün olunmuş polisdən bəhs edir. Veteran aktyor Xristofor Li “Cadugər Saruman” obrazından sonra dünya kinosuna göstərdiyi xidmətlərinə görə mükafatlandırılmışdır.
Rusiya rejissoru Aleksey Uçitel Çeçenistanda baş verən hadisələrə həsr olunmuş “Əsir” filminə görə “Ən yaxşı rejissor” nominasiyasında mükafata layiq görülmüşdür. Ən yaxşı aktyor və aktrisa nominasiyalarında “Gecəquşu” filmindəki rollarına görə çexiyalı aktrisa Marta İsova və aktyor Ciri Mədl qalib olmuşlar.
Bölmənin digər xəbərləri
