KASPİYSKDƏKİ TERROR AKTINDA ŞÜBHƏLİ BİLİNƏN ÜÇ NƏFƏR MAHAÇQALAYA GƏTİRİLMİŞDİR
KaspiyskdəKİ terrorda əli olmaqda şübhəli bilinən üç nəfər Sankt-Peterburqdan Mahaçqalaya gətirilmişdir.
Dağıstanın hüquq-mühafizə orqanlarındakı mənbədən İTAR-TASS-ın müxbirinə bildirmişlər ki, onlar Rusiyanın şimal paytaxtında yaxalanmışlar və dindirilməlidirlər.
Tutulanların kimliyi və cinayətdə nə dərəcədə əli ola bilməsi barədə heç bir məlumat verilmir. Şübhəli şəxslər Dağıstan hüquq mühafizə orqanlarının bundan əvvəl tutulmuş şəxslərin istintağı zamanı əldə etdikləri operativ informasiya əsasında yaxalanmışlar.
Mayın 9-da Kaspiyskdə törədilmiş terror əməli nəticəsində həlak olanların sayı 41-ə çatmışdır. Onların böyük əksəriyyəti uşaqlar və hərbi qulluqçulardır. Xəsarət almış daha onlarca adam xəstəxanadadır. Onların bir qismi ağır vəziyyətdədir.
Bölmənin digər xəbərləri
