Keçən il hasil olunan neftin 3,6 milyon tonu “Şahdəniz” kondensatının payına düşüb
Bakı, 6 fevral, AZƏRTAC
Ötən il Azərbaycanın neft hasilatı 7,9 faiz azalıb.
AZƏRTAC Energetika Nazirliyinə istinadla xəbər verir ki, 2020-ci il ərzində ölkədə 34,5 milyon ton proqnoza qarşı təqribən 100 faiz neft (kondensatla birlikdə) hasil edilib. Əvvəlki illə müqayisədə 3 milyon ton, yəni təqribən 7,9 faiz az neft (kondensatla birlikdə) hasilatı olub. Neftin 7,4 milyon tonu SOCAR-ın, 23,5 milyon ton “Azəri-Çıraq-Günəşli” (AÇG) yataqlar blokunun, 3,6 milyon tonu isə “Şahdəniz” kondensatının payına düşüb.
Bölmənin digər xəbərləri
