KƏMALƏDDİN HEYDƏROV DÜNYA TAEKVONDO FEDERASİYASININ VİTSE-PREZİDENTİ SEÇİLMİŞDİR
Bakı, 14 oktyabr (AZƏRTAC). Dünya Taekvondo Federasiyasının (DTF) Kopenhagendə keçirilən Baş Assambleyasında bu beynəlxalq təşkilatın rəhbər orqanlarına şeçkilər keçirilmişdir. Azərbaycan Taekvondo Federasiyasının prezidenti Kəmaləddin Heydərov növbəti 4 il müddətinə qurumun vitse-prezidentlərindən biri seçilmişdir. DTF-nin prezidenti isə Çunqvon Çuye (Koreya) olmuşdur.
Xatırladaq ki, noyabrın 14-də Kopenhagendə taekvondo üzrə dünya çempionatına start verilmişdir. Kişilər arasında dayanqda ölkəmizi Samir Aydınov (54 kq), Elnur Amanov (58 kq), Fariz Əliyev (63 kq), İlkin Şahbazov (68 kq), Ramil Əzizov (74 kq), Rəşad Əhmədov (80 kq), Təvəkkül Bayramov (87 kq) və Vüqar Məcidov (87 kq-dan yuxarı), qadınlar arasında isə Xəyalə Quliyeva (47 kq), Aygül Abdullayeva (51 kq), Arzu Bağırova (55 kq) və koreyalı legioner Seunqmi Li (59 kq) təmsil edəcəklər.
Bölmənin digər xəbərləri
