KƏMƏRİN ÖTÜRMƏ GÜCÜ ARTIRILACAQDIR
Azərbaycan Respublikası Dövlət Neft Şirkətindən (ARDNŞ) AZƏRTAC-a bildirmişlər ki, Xəzərdəki “Günəşli” yatağında yeni quyuların qazılması və istismara verilməsi, həmçinin aşağı və orta təzyiqli qazın yığılması hesabına 2007-ci ildə əlavə olaraq 1 milyard kubmetrədək qazın hasilatı nəzərdə tutulmuşdur. Bu vəzifəni həyata keçirmək üçün “Günəşli” yatağındakı platformalardan Neft daşlarındakı iriləşdirilmiş separasiya qurğusuna yüksək təzyiqli qaz kəmərinin çəkilişi aparılır. Kəmərin ümumi uzunluğu 22 kilometrdir. Xəttin çəkilişini “Xəzərdənizneftqaztikinti” Tresti və “Süleyman Vəzirov” borudüzən gəmisi aparır.
Yenidənqurmadan sonra kəmərlə sutkada 2 milyon kubmetr qaz ötürmək mümkün olacaqdır.
Bölmənin digər xəbərləri
