Kənd Təsərrüfatı Nazirliyində “Qaynar xətt” yaradılmışdır
Bakı, 27 yanvar (AZƏRTAC). Kənd təsərrüfatı və ərzaq məhsulları bazarının fəaliyyətinin təkmilləşdirilməsi sahəsində əlavə tədbirlər haqqında Azərbaycan Respublikası Prezidentinin 2014-cü il 16 yanvar tarixli Sərəncamının icrası ilə bağlı Kənd Təsərrüfatı Nazirliyində “1652” nömrəli “Qaynar xətt” yaradılmışdır.
Nazirlikdən AZƏRTAC-a bildirmişlər ki, bununla bağlı imzalanmış əmrdə vətəndaşlardan daxil olan müraciətlərə baxılmasının operativliyini təmin etmək məqsədi ilə müvafiq qurumlara tapşırıq və tövsiyələr verilmişdir.
Vətəndaşlar “1652” nömrəli telefona zəng edərək Kənd Təsərrüfatı Nazirliyinin səlahiyyətinə aid olan məsələlərə dair arzu və istəklərini, qarşılaşdıqları problemlər barədə məlumatları nazirliyin müvafiq qurumlarına çatdıra bilərlər.
Bölmənin digər xəbərləri
