Kəngərli rayonunda Baytarlıq İdarəsi üçün tikilən binada işlər yekunlaşır
Kəngərli, 11 oktyabr, AZƏRTAC
Muxtar respublikanın ən gənc rayonu olan Kəngərlidə Baytarlıq İdarəsi üçün tikilən yeni inzibati binada son tamamlama işləri aparılır.
AZƏRTAC-ın Naxçıvan bürosu xəbər ki, zirzəmi ilə birlikdə 3 mərtəbədən ibarət olan binanın zirzəmi qatında arxiv, iş otaqları, süni mayalanma avadanlıqlarının və dərmanların saxlanc otaqları, yeməkxana və qazanxana yerləşəcək. Hazırda binanın daxilində və fasad hissədə son tamamlama işləri aparılır, həyətinə kilid daşları döşənir, bordür düzülür, piyada yolu salınır, su və işıqlandırma sistemləri çəkilir.
Yeni inzibati binanın inşası Naxçıvan Muxtar Respublikası Dövlət Şəhərsalma və Arxitektura Komitəsinin Kəngərli Rayon İdarəsinin inşaatçıları tərəfindən həyata keçirilir.
Bölmənin digər xəbərləri
