KERAMİKAÇI RƏSSAMIN FƏRDİ SƏRGİSİ
“Abşeron” rəsm qalereyasında rəssam Ədalət Bayramovun fərdi yaradıcılıq sərgisinin açılış mərasimi olmuşdur.
Sərgidə nümayiş etdirilən 63 iş arasında “1001 ğeçə”, “Zülmət və işıq”, “Məşədi İbad”, “Ailə”, ”Mavi mələklər”, “Barışıq” əsərləri sənətkarlığına, məna və məzmun dəyərinə görə xüsusi ilə seçilir.
Azərbaycan Rəssamlar İttifaqı İdarə Heyəti sədrinin müavini Agəli İbrahimov , qalereyanın direktoru Eldəniz İbrahimov, əməkdar rəssam Ənvər Qarayev və başqaları mərasimdə çıxış edərək, dərin bədii təfəkkürə və geniş dünyagörüşünə malik rəssamın əsərlərindəki özünəməxsus sənətkarlıq xüsusiyyətlərindən danışdılar, ona yaradıcılıq uğurları arzuladılar.
Ə.Bayramov sərginin təşkilatçılarına və mərasim iştirakçılarına minnətdarlığını bildirdi.
Sərgi iyunun 20-dək davam edəcək.
Bölmənin digər xəbərləri
