KİÇİK DÖVLƏT MÜƏSSİSƏLƏRİ ÖZƏLLƏŞDİRİLİR
İnkişaf Nazirliyinin Dövlət əmlakının özəlləşdirilməsi departamenti tərəfindən may ayında 142 kiçik dövlət müəssisə və obyektinin özəlləşdirilməsi barədə sərəncam verilmişdir.
Kiçik müəssisə və obyektlərin özəlləşdirilməsi zamanı yaranmış borcların ödənilməsi istiqamətində həyata keçirilən tədbirlərin nəticəsində ay ərzində büdcəyə daxilolmalar xeyli artmışdır. Kiçik dövlət müəssisə və obyektlərinin özəlləşdirilməsindən may ayı ərzində, vaxtı keçmiş borclarla birlikdə 2763,6 milyon manat vəsaitin dövlət büdcəsinə ödənilməsi təmin edilmişdir.
Ay ərzində daşınmaz dövlət əmlakının icarəyə verilməsinə dair 141 icarə müqaviləsi bağlanmış, dövlət əmlakının icarəyə verilməsindən büdcəyə 853 milyon manat vəsait daxil olmuşdur.
May ayında müəssisə və obyektlərin yerləşdiyi 19 torpaq sahəsi özəlləşdirilmiş və bu cür torpaq sahələrinin özəlləşdirilməsindən dövlət büdcəsinə 525,5 milyon manat vəsait daxil olmuşdur.
Hazırda departamentdə özəlləşdirilməmiş kiçik dövlət müəssisə və obyektlərinin dövlətsizləşdirilmə perspektivləri araşdırılır və onların özəlləşdirilməsi üçün nazirliyin şəhər və rayon şöbələri ilə birlikdə müvafiq tədbirlər həyata keçirilir.
İqtisadi İnkişaf Nazirliyinin
mətbuat xidməti
Bölmənin digər xəbərləri
