KİNEMATOQRAFÇILARIMIZ MİLLİ KİNONUN 110 İLLİK YUBİLEYİNİ BAYRAM ETMİŞLƏR
AZƏRTAC xəbər verir ki, avqustun 2-də “Azərbaycan” kinoteatrında milli kinonun 110 illik yubileyinə həsr edilmiş bayram tədbiri keçirilmişdir.
Tədbirin təşkilatçıları “Azərbaycan” kinoteatrının qarşısında “110 illik epopeya” sərgisini nümayiş etdirirdilər. Bayram iştirakçıları milli kinematoqrafiyanın keçdiyi şərəfli tarixi yoldan bəhs edən filmə baxmışlar.
Mədəniyyət və turizm naziri Əbülfəs Qarayev tədbir iştirakçılarını təbrik edərək demişdir ki, hazırda milli kinomuz inkişaf yolundadır. Xalqın milli kinoya marağının artması, azərbaycanlı kinorejissorların filmlərinin çox vaxt mükafatla qayıtdığı müxtəlif beynəlxalq festivalların nəticələri buna əyani sübutdur.
Tədbir kino veteranlarına mükafatların təqdim olunması və “Qala” bədii filminin premyerası ilə davam etmişdir.
Bölmənin digər xəbərləri
