Kiprin “APOEL” klubunun baş məşqçisi istefaya göndərilib
Bakı, 8 avqust, AZƏRTAC
Ağdamın “Qarabağ” klubunun UEFA Çempionlar Liqasının üçüncü təsnifat mərhələsindəki rəqibi Kiprin “APOEL” komandası baş məşqçisi Paolo Trametsani ilə yollarını ayırıb.
AZƏRTAC klubun saytına istinadla xəbər verir ki, 49 yaşlı italiyalı mütəxəssislə müqaviləyə qarşılıqlı razılaşma əsasında xitam verilib. Onu almaniyalı Tomas Dollun əvəzləyəcəyi gözlənilir.
Qeyd edək ki, “Qarabağ” Kiprdəki ilk görüşdə 2:1 hesabı ilə qələbə qazanıb. Cavab matçı avqustun 13-də Tofiq Bəhramov adına Respublika Stadionunda keçiriləcək.
P.Trametsani 2018-ci ilin oktyabrından APOEL-ə rəhbərlik edirdi. Komanda onun rəhbərliyi altında 2018-2019-ci il mövsümündə ölkə çempionu olub.
Bölmənin digər xəbərləri
