Kir Starmer tələbələri aksiyaları dayandırmağa çağırıb
London, 7 oktyabr, AZƏRTAC
Mançesterdəki sinaqoqa edilən terror hücumundan bir neçə gün sonra Böyük Britaniyanın baş naziri Kir Starmer tələbələri Fələstinə dəstək aksiyalarında iştirak etməməyə çağırıb.
AZƏRTAC “The Independent”ə istinadla xəbər verir ki, Britaniyanın Baş naziri Kir Starmer bildirib ki, tələbələr İsrailə qarşı törədilən 7 oktyabr 2023-cü il terror hücumlarının ildönümündə etiraz aksiyalarında iştirak etməkdənsə, həmin hadisələrin qurbanlarını yad etməlidirlər.
İngiltərədə minlərlə tələbənin 7 oktyabr hücumlarının ikinci ildönümü münasibətilə keçiriləcək yürüşlərə qoşulacağı gözlənilir. Baş nazirin rəsmi sözçüsü qeyd edib ki, Böyük Britaniyada etiraz etmək azadlığı olsa da, mövcud vəziyyəti nəzərə alaraq bu cür aksiyaların keçirilməsi mütləq doğru addım sayılmır.
London
Bölmənin digər xəbərləri
