KİTABXANA İNFORMASİYA MƏRKƏZİNİN MALİYYƏLƏŞMƏSİNƏ DAİR MÜQAVİLƏ İMZALANMIŞDIR

11.12.2006 [22:02]
Çap et
A⁺ A^-

AZƏRTAC xəbər verir ki, dekabrın 11-də Azərbaycan Dövlət İqtisad Universiteti (ADİU) ilə İsveçrənin İnkişaf və Əməkdaşlıq üzrə Təşkilatı (İİƏT) arasında ADİU-nun Kitabxana İnformasiya Mərkəzinin (KİM) maliyyələşməsinə dair müqavilə imzalanmışdır.

Sənədi imzalanmazdan əvvəl rektor, Milli Məclisin elm və təhsil məsələləri daimi komissiyasının sədri, professor Şəmsəddin Hacıyev rəhbərlik etdiyi təhsil ocağının fəaliyyəti haqqında məlumat vermişdir.

İİƏT direktorunun müavini Tomas Mayer qeyd etmişdir ki, məqsəd kitabxana işi və bu sahədə təcrübənin öyrənilməsinin idarə edilməsi üçün informasiya sisteminin yaradılmasıdır. Bu yeni proqram təminatının tətbiq olunması, onlayn təhsili üzrə xüsusi treninq kurslarının yaradılması vasitəsilə həyata keçiriləcəkdir. KİM və onun təmin etdiyi informasiyadan istifadəçilərin öyrədilməsi məqsədi ilə kadrlar hazırlanacaqdır.

Müqaviləni Ş.Hacıyev və T.Mayer imzalamışlar.