KİV: ABŞ İsrail sahillərinə daha bir aviadaşıyıcı gəmi göndərib
Bakı, 19 oktyabr, AZƏRTAC
ABŞ Fələstin-İsrail münaqişəsi zonasından mülki əhalinin mümkün təxliyəsi üçün tapşırıqları icra etmək məqsədilə Şərqi Aralıq dənizinə aviadaşıyıcı qrup göndərəcəyi barədə Türkiyəni məlumatlandırıb.
AZƏRTAC xəbər verir ki, TRT xəbər telekanalı bu barədə Türkiyə Müdafiə Nazirliyinin nümayəndəsinə istinadla məlumat yayıb. Onun sözlərinə görə, amerikalı hərbçilər yalnız mülki şəxslərin mümkün təxliyəsi üzrə əməliyyata cəlb olunacaqlar. Türkiyə tərəfi həmin işləri diqqətlə izləyəcək.
Bir müddət öncə ABŞ Hərbi Dəniz Qüvvələrinin altıncı donanmasının “Mount Whitney” təyyarədaşıyan gəmisi İtaliya sahillərini tərk edərək Aralıq dənizinin şərqinə doğru istiqamət götürüb. Bundan başqa, regiona göyərtəsində 4,5 mindən çox hərbçinin olduğu “Gerald Ford” aviadaşıyıcı gəmisi gəlib. Onu ümumilikdə 1,6 min hərbçinin xidmət etdiyi beş gəmi müşayiət edir. Həmçinin Yaxın Şərqə göyərtəsində 5 min hərbçinin olduğu “Dwight Eisenhower” aviadaşıyıcı gəmisi, həmçinin minə yaxın hərbçi ilə birlikdə üç müşayiət gəmisi yollanıb.
Bölmənin digər xəbərləri
