KİYEVDƏ BEYNƏLXALQ KULİNARİYA SƏNƏTİ FESTİVALININ MÜNSİFLƏR HEYƏTİNƏ HƏMYERLİMİZ BAŞÇILIQ EDİR
Ukrayna, Azərbaycan, Türkiyə, Rusiya, Gürcüstan, Moldova, Yunanıstan, Yaponiya və digər ölkələrin ən yaxşı kulinarları üç gün ərzində Azərbaycan Milli Kulinariya Mərkəzinin baş direktoru, Azərbaycan Kulinarlar Assosiasiyasının prezidenti Tahir Əmiraslanovun başçılıq etdiyi münsiflər heyətinin nəzarəti altında peşəkarlıq üzrə yarışacaqlar.
Burada heç kim gizlətmir ki, müsabiqənin yüz iştirakçısı arasında qalib adına əsas namizədlər dünyaşöhrətli kulinar T.Əmiraslanovun rəhbərlik etdiyi səkkiz mahir aşpazımız sayılır.
Azərbaycanın Ukraynadakı səfiri Tələt Əliyev sərginin və kulinarların beynəlxalq festivalının təntənəli açılış mərasimində çıxış edərək, təşkilatçılara və iştirakçılara uğurlar arzulamışdır.
