KLUBLAR VƏ FUTBOLÇULAR CƏRİMƏLƏNMİŞLƏR
Komitənin qərarına əsasən, “Bakı”–“Qarabağ” oyununda qonaq komandanın 4 futbolçusu sarı vərəqə aldığı üçün klub 1000 AZN cərimə olunmuş, eləcə də həmin komandanın futbolçusu Samir Musayev rəqibi bilərəkdən vurduğuna görə növbəti iki oyundan kənarlaşdırılmış və klub, əlavə olaraq, 2000 AZN məbləğində cərimələnmişdir. “Xəzər-Lənkəran”- “MKT–Araz” oyununda yerli komandanın 4 futbolçusu sarı vərəqə aldığından klub 1000 AZN məbləğində cərimə olunmuşdur. Yerli komandanın futbolçusu Daniel Muntyano 2-ci sarı vərəqəyə görə qırmızı vərəqə aldığı üçün növbəti oyuna buraxılmaycaq, təmsil olunduğu klub isə daha 200 AZN məbləğində cərimə ödəyəcəkdir.
Ölkə çempionatının I dəstəsində çıxış edən komandaların oyunları da nəzərdən keçirilmişdir. “Şahdağ-2” –“Yeni Yevlax”, “Simurq” –“Bakılı” oyunları zamanı “Şahdağ –2” komandasının 5, “Simurq” komandasının isə 4 futbolçusu sarı vərəqə ilə cəzalandığına görə klubların hər biri 100 AZN məbləğində cərimə olunmuşdur. “Araz” mini futbol klubu “Novruz –2006” beynəlxalq turnirinin sonunda tamaşaçılara hörmətsizlik edərək, komandaların mükafatlandırılması mərasimində iştirakdan imtina etdiyinə görə 3000 AZN məbləğində cərimələnmişdir.
Bölmənin digər xəbərləri
