KOBİA çinli həmkarları ilə birgə biznesə dəstək proqramlarını hazırlamaqda maraqlıdır
Bakı, 8 iyul, AZƏRTAC
Kiçik və Orta Biznesin İnkişafı Agentliyi (KOBİA) olaraq çinli həmkarlarımızla birgə biznesə dəstək proqramlarını hazırlamaqda maraqlıyıq.
AZƏRTAC xəbər verir ki, bu barədə KOBİA İdarə Heyətinin sədri Orxan Məmmədov Bakıda keçirilən "ŞƏT Nümayiş Zonası - Azərbaycanda Logistika və Ticarətin Təşviqi Konfransı"nda deyib.
O bildirib ki, işgüzar əməkdaşlıq platformalarının yaradılması və birgə biznes layihələrinin hazırlanması olduqca əhəmiyyətlidir: "Əminəm ki, Azərbaycanın Çindəki Ticarət Nümayəndəliyinin, eləcə də ticarət evlərinin aktiv fəaliyyəti ölkələrimizdə KOB-lar arasında əlaqələrin inkişafına töhfə verəcək və bu da öz növbəsində ticarət dövriyyəsini yaxşılaşdıracaq. Sektorlar üzrə biznes missiyalarının təşkili bizneslərimiz üçün bazar imkanlarının dərindən araşdırılmasını, güclü işgüzar əlaqələrin qurulmasını və birgə layihələrin həyata keçirilməsini təmin edəcək. KOBİA sahibkarlara belə missiya və səfərlərin təşkilində dəstək verməyə hazırdır. Çin şirkətləri ölkəmizdə yaradılmış əlverişli biznes və investisiya mühitindən yararlana bilərlər".
Bölmənin digər xəbərləri
