KOLİN PAUELL SURİYAYA GETMƏYİ VƏ PREZİDENT BƏŞİR ƏSƏDLƏ GÖRÜŞMƏYİ PLANLAŞDIRIR
İTAR-TASS agentliyindən AZƏRTAC-a daxil olan xəbərdə deyilir ki, ABŞ-ın dövlət katibi Kolin Pauell prezident Bəşir Əsədlə iki ölkə arasında mövcud münasibətləri müzakirə etmək üçün Suriyaya getməyi planlaşdırır.
ABŞ xarici siyasət idarəsinin rəhbəri bu görüşün nə vaxt baş tutacağı haqda dəqiq məlumat verməsə də demişdir: “Mən Suriyaya getməyi ona görə təklif edirəm ki, həmkarım, xarici işlər naziri və prezident Bəşir Əsədlə üzbəüz və açıq müzakirələr apara bilim. ABŞ hökuməti Suriya rəhbərliyindən “aralıda” dayanmaq niyyətində deyil, əksinə, Dəməşqlə dialoqu fəallaşdırmağa daha artıq meyllidir”.
Pauell Suriyaya qaçmış keçmiş İraq hökuməti nümayəndələrinin dərhal ölkədən çıxarılmasının zəruriliyini bir daha vurğulamışdır.
Bölmənin digər xəbərləri
