Könüllülər beş aztəminatlı ailəyə humanitar yardım göstərib
Bakı, 31 yanvar, AZƏRTAC
Mərhəmət hissi insanlığın ən çox ehtiyacı olan hissdir və yaxşı ki, onların varlığı həyatımıza rəng qatır. Azərbaycan Qızıl Aypara Cəmiyyətində istehsalat təcrübəsində olmuş könüllülər Gülçöhrə Abdulla və Ağarza Zeynalov öz xeyirxah təşəbbüsləri ilə 5 yerli və əcnəbi aztəminatlı ailəni humanitar yardım bağlaması, uşaqları isə müxtəlif oyuncaq və şirniyyatlarla sevindiriblər.
Cəmiyyətin mətbuat xidmətindən AZƏRTAC-a verilən məlumata görə, bu münasibətlə keçirilən tədbirdə çıxış edən təşkilatın gənclər komitəsinin sədri Türkanə Atakişiyeva təşəbbüskarların xeyirxah işini alqışlayıb. Yardım alan ailə üzvləri xeyirxahlara və tədbirin təşkilatçılarına minnətdarlıqlarını bildiriblər.
Tədbirin yekununda belə bir fikir ifadə olunub ki, cəmiyyət üzvləri belə xeyirxah təşəbbüsləri gələcəkdə də davam etdirəcəklər.
Bölmənin digər xəbərləri
