Korporativ istiqrazların ilkin bazarında bağlanan əqdlərin məbləği 444 milyon manata çatıb
Bakı, 7 may, AZƏRTAC
Korporativ istiqrazların ilkin bazarında bağlanan əqdlərin məbləği 444 milyon manata çatıb.
Maliyyə Bazarlarına Nəzarət Palatasından (MBNP) AZƏRTAC-a bildirilib ki, cari ilin birinci rübündə real sektor təmsilçilərinin və maliyyə institutlarının fond bazarı vasitəsilə öz vəsaitlərini artırmaq təşəbbüsləri korporativ qiymətli kağızlar bazarının korporativ istiqrazlar seqmentində əməliyyatların həcminin 3,3 dəfə artmasına səbəb olub. Əlavə olaraq korporativ istiqrazların ilkin bazarında bağlanan əqdlərin məbləği əvvəlki hesabat dövrü ilə müqayisədə 12 dəfə artaraq 444 milyon manata çatıb. Ümumilikdə, ölkənin korporativ qiymətli kağızlarının ilkin bazarında 37 faiz artım müşahidə olunub.
Bölmənin digər xəbərləri
