KORRUPSİYA İLƏ BEYNƏLXALQ MÜBARİZƏ GÜNÜ
Birləşmiş Millətlər Təşkilatı 2003-cü il dekabrın 9-da korrupsiya əleyhinə BMT Konvensiyası imzalandığı günü Korrupsiya ilə beynəlxalq mübarizə günü elan etmişdir. Həmin gün ilk dəfə 2004-cü il dekabrın 9-da qeyd olunmuşdur. İki il əvvəl Meksikada BMT-nin korrupsiya əleyhinə Konvensiyasının imzalanmasına həsr olunmuş ümumdünya konfransı açılmışdır. Onda bu beynəlxalq sənədi 3 gün ərzində dünyanın 100-dən çox dövlətinin nümayəndələri imzalamışdılar. BMT Baş Məclisi korrupsiya əleyhinə Konvensiyanı 2003-cü il oktyabrın 31-də bəyənmişdi. Lakin Konvensiya 30-dan çox dövlət onu ratifikasiya etdikdən sonra qüvvəyə minəcəkdir. Hələlik isə sənədi yalnız 13 ölkə ratifikasiya etmişdir. Konvensiyanın məqsədi korrupsiyanı qabaqlamaq və onu aradan qaldırmaqdır. BMT hesab edir ki, korrupsiya iqtisadi inkişafın qarşısını almaqla, demokratik təsisatları və qanunun aliliyi prinsipini pozmaqla mütəşəkkil cinayətkarlığın, terrorizmin və insan təhlükəsizliyinə digər təhdidlərin inkişafına imkan yaradır. Dövlətlər bu bəla ilə mübarizədə beynəlxalq əməkdaşlığı möhkəmləndirmək barədə razılığa gəlmişlər. Bir il əvvəl dünyanın bir çox ölkəsində BMT-nin himayəsi altında Korrupsiya ilə beynəlxalq mübarizə gününə həsr olunmuş nümayişlər, görüşlər və seminarlar keçirilmişdir.
