Koxir Rasulzoda Tacikistanın yeni Baş naziridir
Düşənbə, 23 noyabr (AZƏRTAC). Tacikistan Prezidentinin mətbuat xidmətinin yaydığı məlumata görə, dövlət başçısı Emaməli Rəhmonun Sərəncamı ilə Koxir Rasulzoda ölkənin yeni Baş naziri təyin olunmuşdur. Bundan əvvəl Koxir Rasulzoda Tacikistanın Soqd vilayətinin rəhbəri vəzifəsində çalışmışdır.
Prezidentin sərəncamları ilə Davlatali Saidov Baş nazirin birinci müavini, Marxabo Cabborova, Azim İbroxim və Murodali Alimardon Baş nazirin müavinləri təsdiq edilmişdir.
Xatırladırıq ki, bu il noyabrın 6-da Tacikistanda prezident seçkiləri keçirilmiş, Emaməli Rəhmon yenidən dövlət başçısı seçilmiş, yeni hökumətin formalaşması prosesi başlanmışdır.
Qulu Kəngərli
AZƏRTAC-ın xüsusi müxbiri
Düşənbə
Bölmənin digər xəbərləri
