Kral Çarlz Vatikana dövlət səfəri edəcək
London, 28 sentyabr, AZƏRTAC
Böyük Britaniya Kralı III Çarlz və Kraliça Kamilla gələn ay Vatikana dövlət səfərinə gedəcək və burada ilk dəfə Papa XIV Leo ilə görüşəcəklər.
AZƏRTAC xəbər verir ki, bu barədə Bukinqem Sarayının açıqlamasında bildirilib. Səfərin oktyabrın sonlarında baş tutacağı qeyd olunub.
Məlumata görə, Kral Çarlz və Kraliça Kamilla Vatikan səfərində hər 25 ildən bir keçirilən yubiley ilinə həsr olunmuş mərasimlərdə iştirak edəcəklər.
Qeyd edək ki, kral cütlüyünün dövlət səfəri bu ilin aprelində baş tutmalı idi. O zaman Çarlz və Kamilla Papa ilə qapalı görüş keçirə bilib və 88 yaşında dünyasını dəyişən pontifikin qəbul etdiyi sonuncu ali qonaqlardan olmuşdu.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
