KUBA ABŞ-IN QADAĞALARI NƏTİCƏSİNDƏ MİLYARDLARLA DOLLAR İTİRMİŞDİR
Ötən ilin yekunlarına görə, Kuba 4 milyard dollardan çox itirmişdir, halbuki bir il əvvəl bu rəqəm cəmi 2,7 milyard olmuşdur. Rodrigesin fikrincə, bu, ABŞ tərəfindən blokadanın nəzərəçarpacaq dərəcədə sərtləşdirilməsi ilə izah edilir.
O vurğulamışdır ki, Vaşinqton tərəfindən Kubanın blokadaya alınması “bəşəriyyətin bütün tarixi ərzində ən uzun sürən və sərt blokadadır”. Rodriges “ABŞ tərəfindən iqtisadi, ticarət və maliyyə blokadasını dayandırmağın zəruriliyi haqqında” qətnamənin layihəsini təqdim edərək bildirmişdir ki, bu sənəd tezliklə BMT Baş Məclisində səsverməyə çıxarılacaqdır.
Xatırladaq ki, Havana artıq 10 ildən çoxdur bu cür sənədləri BMT Baş Məclisinin müzakirəsinə təqdim edir və onlar dünya birliyi tərəfindən daim dəstəklənir. Məsələn, keçən il BMT-nin tərkibinə daxil olan 182 ölkə Kubaya qarşı blokadanın pisləndiyi qətnaməni dəstəkləmişdir.
Bölmənin digər xəbərləri
